രിസാലത്തു ആദാബി സുലൂക്കിൽ മുരീദ്, അദ്ധ്യായം: 5
ഹബീബ് അബ്ദുല്ലാഹിബ്നു അലവി അൽ ഹദ്ദാദ്(റ):
പരിഭാഷ: മഖ്ദൂമിശാഹ് അൻവാരി.
മുരീദിന് അനുയോജ്യമായ കാര്യങ്ങൾ താഴെ പറയുന്നവയാണ്:
കടുത്ത വിശപ്പ് അനുഭവപ്പെടുമ്പോൾ അല്ലാതെ അവൻ ഭക്ഷണം കഴിക്കരുത്.
ഉറക്കം വന്ന് തളരുമ്പോൾ അല്ലാതെ അവൻ ഉറങ്ങരുത്.
അത്യാവശ്യമില്ലാതെ സംസാരിക്കരുത്.
സഹവാസം കൊണ്ട് വല്ല പ്രയോജനവുമുണ്ടെങ്കിൽ അല്ലാതെ ജനങ്ങളുമായി അധികമായി ഇടപഴകരുത്.
മുരീദ് (സത്യമാർഗ്ഗം തേടുന്ന വ്യക്തി) എപ്പോഴും ശുദ്ധിയുള്ളവനായിരിക്കാൻ (തഹാറത്തിൽ) ശ്രദ്ധിക്കേണ്ടതുണ്ട്. വുളൂ ഇല്ലാതാകുമ്പോഴെല്ലാം വീണ്ടും വുളൂ ചെയ്യുകയും രണ്ടു റക്അത്ത് നിസ്കരിക്കുകയും വേണം. അവൻ കുടുംബജീവിതം നയിക്കുന്നവനാണെങ്കിൽ (വിവാഹിതനാണെങ്കിൽ), ഭാര്യയുമായി ശാരീരിക ബന്ധത്തിൽ ഏർപ്പെട്ടാൽ ആ സമയം തന്നെ വലിയ അശുദ്ധിയിൽ നിന്ന് കുളിച്ച് ശുദ്ധിയാകാൻ ധൃതി കാണിക്കണം. വലിയ അശുദ്ധിയുള്ളവനായി കഴിയരുത്.
തുടർച്ചയായി ശുദ്ധിയോടെയിരിക്കാൻ ഭക്ഷണം കുറയ്ക്കുക എന്നത് അവനെ സഹായിക്കും. കാരണം, കൂടുതൽ ഭക്ഷണം കഴിക്കുന്നവന് അടിക്കടി വുളൂ മുറിയുകയും, അത് കാരണം എപ്പോഴും ശുദ്ധി നിലനിർത്തുന്നത് പ്രയാസകരമായി തീരുകയും ചെയ്യും. ഭക്ഷണം കുറയ്ക്കുന്നത് രാത്രിയിൽ ഉണർന്നിരുന്ന് ആരാധനകൾ നടത്താനും (തഹജ്ജുദ്) സഹായിക്കും; ഇത് മുരീദിന്റെ ഏറ്റവും പ്രധാനപ്പെട്ട ബാധ്യതകളിൽ പെട്ടതുമാണ്.
മുരീദിന് അനുയോജ്യമായ കാര്യങ്ങൾ താഴെ പറയുന്നവയാണ്:
കടുത്ത വിശപ്പ് അനുഭവപ്പെടുമ്പോൾ അല്ലാതെ അവൻ ഭക്ഷണം കഴിക്കരുത്.
ഉറക്കം വന്ന് തളരുമ്പോൾ അല്ലാതെ അവൻ ഉറങ്ങരുത്.
അത്യാവശ്യമില്ലാതെ സംസാരിക്കരുത്.
സഹവാസം കൊണ്ട് വല്ല പ്രയോജനവുമുണ്ടെങ്കിൽ അല്ലാതെ ജനങ്ങളുമായി അധികമായി ഇടപഴകരുത്.
ആരെങ്കിലും അധികമായി ഭക്ഷണം കഴിച്ചാൽ അവന്റെ ഹൃദയം കഠിനമാവുകയും, അവന്റെ അവയവങ്ങൾക്ക് ആരാധനകളിൽ മടി അനുഭവപ്പെടുകയും ചെയ്യും. അധികമായി ഭക്ഷണം കഴിക്കുന്നത് കൂടുതൽ ഉറക്കത്തിലേക്കും കൂടുതൽ സംസാരത്തിലേക്കും നയിക്കും. ഒരു മുരീദിന്റെ ഉറക്കവും സംസാരവും അധികമായാൽ, അവന്റെ ഇറാദഃ (സത്യമാർഗ്ഗത്തിലുള്ള ലക്ഷ്യബോധം) പൊരുളില്ലാത്ത ഒരു വെറും ബാഹ്യരൂപം (ചടങ്ങ്) മാത്രമായി മാറും.
ഒരു ഹദീസിൽ ഇപ്രകാരം വന്നിട്ടുണ്ട്:
“ആദമിന്റെ മകൻ (മനുഷ്യൻ) തൻ്റെ വയറിനേക്കാൾ മോശമായ മറ്റൊരു പാത്രവും നിറച്ചിട്ടില്ല. മുതുകു നിവർത്തി നിർത്താൻ ഉതകുന്ന ഏതാനും ഉരുളകൾ തന്നെ മനുഷ്യന് മതിയായതാണ്. ഇനി അത്യാവശ്യമാണെങ്കിൽ, വയറിന്റെ മൂന്നിലൊന്ന് ഭക്ഷണത്തിനും, മൂന്നിലൊന്ന് കുടിവെള്ളത്തിനും, മൂന്നിലൊന്ന് ശ്വാസോച്ഛ്വാസത്തിനും (കാറ്റിനും) മാറ്റിവെക്കട്ടെ.”
തുടരും…
